• KZ
  • RU
  • ENG
    • билет сатып алу жалға алу камера карта Жаңалықтар Акциялар

    «Медеу» туралы

    Медеу спорт кешені – теңіз деңгейінен 1691,2 м биіктікте Медеу биіс тау шатқалында орналасқан таулы спорт кешені. Спорттың қыстық түрлеріне арналған жасанды мұз айдынының ауданы 10,5 мың метр болатын әлемдегі ең ірі биік таулы кешен. Мұз айдыны бүгінде әлемдегі тауда ең биік орналасқан коньки тебу ашық стадион болып табылады. Мұз кұю үшін биік тау мен таудың мөлдір суы коньки тебу спортының жоғары нәтижелеріне септігін тигізбей қоймады. Мұнда ерлер мен әйелдер арасында барлық қашықтықта 200 аса әлемдік рекорд орнатылған. «Медеу» «рекордтар фабрикасы» мәртебесіне ие және бұрын болған және қазіргі уақытта жұмыс істейтін мұз айдындары арасында әлемдік реконрдтар саны жағынан көшбасшы орында тұр. «Медеуді» жобалаған сәулетшілер мен инженерлер 1975 жылы ҚССР-дің Мемлекеттік сыйлығымен марапатталған. 2008 жылдан бастап «Медеу» Қазақстан Республикасының қала құрылысы және сәулет ескерткіші болып табылады.

    Тарихы

    «Спорттық рекордтар фабрикасының» құрылысы 1949 жылы басталды, ал алғашқы ресми Бүкілодақтық жарыстар 1951 жылдың 4-5 ақпаны аралығында өткізілді. 1951-1970 жылдар аралығында келешек спорт кешенінің орнында табиғи мұзы бар сырғанақ жұмыс істеп тұрған. Бұрынғы «Медеу» әлемге 52 рекорд алып келді.

    1970 жылдары жасанды мұзы бар биік таулы спорт кешенін құру туралы шешім қабылданды. «Медеу» мұз айдынының құрылысы екпінді халық құрылысы деп жарияланып, оған 1300-ден астам қатысты. Құрылыс ауқымы мен қол жеткізілген нәтиже «Медеу» адамзат тарихындағы ең ұлы спорт кешендірінің бірі деп санауға құқық береді. Әлемнің түүкпірінен келген конькитебушілер әлемдік рекорд жаңарту үшін өздерін сынауға бел буып, дүние жүзіндегі ең тез сырғанайтын мұзда өз күштерін сынау үшін кезекке тұратын. Жарыстар күндіз және түнде прожекторлар жарығында өтетін.

    «Медеу» биік таулы спорт кешенінде өткізілген жарыстар мен айтулы оқиғалар:

    • 1974 жыл – Әйелдер арасында конькимен жүгіру спорты бойынша Еуропаның бесінші чемпионаты;
    • 1977 жыл – Допты хоккей бойынша ҚССР чемпионаты;
    • 1977 жыл – допты хоккей бойынша Еуропалық чемпиондар кубогы;
    • 1984 жыл - Әйелдер арасында конькимен жүгіру спорты бойынша Еуропаның тоғызыншы чемпионаты;
    • 1988 жыл – классикалық көпсайыстағы конькимен жүгіру спорты бойынша (ерлер) әлемнің 81-ші чемпионаты;
    • 1989 жыл – Мұздағы мотожарыстар бойынша Жекелей чемпионат финалы;
    • 1990 жыл – Мұздағы мотожарыстар бойынша Командалық чемпионат финалы;
    • 1990 жыл – допты хоккей бойынша ҚСРО чемпионаты;
    • 1990-2004 жылдар аралығында жазда «Медеуде» «Азия Дауысы» эстрадалық ән сайыс өткізілген;
    • 2011 жыл – 2011 жылғы Қыстық Азия ойындары, VII қысқы Азия ойындары бағдарламасы бойынша допты хоккейден жарыстар өтті;
    • 2012 жылдың 29 қаңтары мен 5 ақпаны аралығында допты хоккейден әлемнің 32-ші чемпионаты өтті;
    • 2014 жыл (18-21 желтоқсан) – студенттер арасында конькимен жүгіру спорты бойынша әлем чемпионаты өтті;
    • 2017 жыл – 2017 жылғы Қысқы Универсиада өткізілді.

    Туған күні
    1972 жылдың 28 желтоқсанында салтанатты түрде мұз айдыны ашылды. Жаңа мұз айдынындағы алғашқы ресми жарыстар дәстүр бойынша «Медеудің» туған күні деп есептеледі.

    Байланыс

    Сұрақтарыңызға қуана жауап береміз әрі ұсыныстарыңызды тыңдауға дайынбыз
    Биік таудағы «Медеу» спорт кешенінің клиенттерді қолдау қызметінің телефоны:
    8 727 232 68 48